聖鬥士星矢展 1:1黃金聖衣首曝光 11月尾香港舉行 包括多款經典場景

[tamagoadmin]

(明報)11月12日 星期三 05:05
【明報專訊】對生於1970、80年代的一群，聖鬥士星矢不但絕非陌生名字，更是不少人的童年回憶。日本玩具公司Bandai將於香港舉行「Tamashii Nation」官方展覽，除了展出全套60多款聖鬥士聖衣神話外，多款聖鬥士星矢經典場景和1:1的黃金聖衣射手座更會首度曝光。

香港是繼日本之後第2個舉辦Tamashii Nation官方展覽的地區。數百件展品中，最為人熟悉的必數各款聖鬥士星矢精品。近數年推出的全套60多款，造型手工十分精緻的聖鬥士聖衣神話，將會一起跟大家見面，包括由黃金12宮到下月推出的睡神修普諾斯，亦有盔甲由24K鍍金為材料的24K黃金星矢；最珍貴的是多款為展覽生產的聖鬥士星矢經典場景，包括天秤座冰宮、雅典娜之嘆息、嘆息之牆等，皆是首度曝光。全高約1.1米的黃金聖衣射手座，更是以1:1的比例製成。

展期11月28日至12月7日

除了聖鬥士星矢外，同場的「超合金主題展覽區」會展出超過90件「超合金魂」珍貴展品，包括鐵甲萬能俠系列、六神合體情景版，亦會首度公開製作超合金模型的模具。Tamashii Nation 2008 in Asia展覽將於11月28日至12月7日於海運大廈二階SportX多功能運動場舉行，入場費用全免。

[tamagoadmin]

1:1的確很驚人 不過1:1的實際尺寸是110cm
可能聖鬥士是很矮的.....

聽歌可以到這裡

[Alex]

都OK喎,因為見到星矢佢地揹住個聖衣箱都唔係好大啦.

如果真係一比一,咁佢地咪好似揹住個雪櫃咁........ ,而且聖衣會變形去遷就番聖鬥士個身型啦,不過真係好祈待處女座黃金聖衣 ....

[Yurika]

嘩!!! 不得了 ! 俾我老公知道有 鐵甲萬能俠既話實開心死, 連個仔都唔記得都似 !!!!

[tamagoadmin]

估計。。他很快會發現的了

[Yurika]

到今日為止, 佢都未發現 . 我知 ! 因為佢正正煩緊公司d野, 連屋企個地下都唔得閒掃 ..... 好多塵 !!!!!

[tamagoadmin]

現在發現了沒有?

[Yurika]

是發現了, 不過係我話佢知既 ! 佢聽到既時候好雀躍呀 ! 又問係邊又問幾時去睇, 不過轉個頭又話好多野做唔知去唔去到 ....... 如果得既話, 推埋 bb去都好呀 !~~~ 好耐冇真正咁行過街啦 ! 連換季都冇去置裝, d鞋唔啱著都冇機會去買 ..... 嗚 ~~~
唉! 唸起個地未掃就有d 悶 , 今個星期又係要我攪掂 !

[tamagoadmin]

進入了人生另一個階段了嘛。將來回顧起來一定很開心
人生の新しい段階に入ってるんですね。将来振り替えてみたら、きっといい思い出になりますよ！